काठमाडौं । बेलायतको एक पत्रिकाले नबिल बैंक लिमिटेडलाई ‘नेपालको उत्कृष्ट बैंक’ घोषित गरेको छ । बेलायतको प्रतिष्ठित पत्रिका यूरोमनीले लगातार दोस्रो पटक नबिल बैंकलाई अवार्ड प्रदान गर्दै पुरस्कृत गरेको हो ।

बैंकले प्रदान गरेको सेवा तथा नाफामा गरेको वृद्धिलगायतलाई आधार मानेर यूरोमनीले यस अवार्ड बैंकलाई प्रदान गरेको हो । यूरोमनीले नबिल बकैंको समग्र बैकिङ कार्यसम्पादनलाई मूल्याँकन गरी उक्त पुरस्कार प्रदान गरेको हो ।

यूरोमनिज् अवार्ड फर एक्सिलेन्स’ बैंकिङ क्षेत्रको एक मौलिक पुरस्कारको रुपमा लिइने गरिन्छ । यसले हरेक बर्ष उत्कृष्ट बैंकलाई पहिचान गरी पुरस्कृत गर्दै आइरहेको छ । आफ्ना ग्राहकहरुलाई विभिन्न सेवा दिदै आएको नबिल बैंकको हालसम्म ११८ शाखा, १७५ एटीएम र १५०० भन्दा बढि नबिल रेमिट एजेन्टहरु रहेका छन् ।