काठमाडौँ – नेपाल विज्ञापन संघ ‘आन’ले क्लिन फिडलाई तोकिएकै समयमा लागू गर्न माग गरेको छ । आनका अध्यक्ष रविन्द्रकुमार रिजालले आइतबार एक विज्ञप्ती प्रकाशित गर्दै विधेयकमार्फत कानूनी रुपमा अघि बढि सकेको क्लिन फिड नीति आगामी कार्तिक आठ गतेवाट नै लागु गर्न सरकार र सरोकारवाला मन्त्रालयको ध्यानाकर्षण गराएका हुन ।

आनले विज्ञापन वोर्ड गठन तथा विज्ञापन नियमन गर्न बनेको विधेयकको कार्यविधि बनाएर सम्बन्धित मन्त्रालयले अघि बढाउने विश्वास समेत प्रकट गरेको छ । केही सञ्चारमाध्यममा क्लिन फिड सम्वन्धी विरोधाभाषपुर्ण समाचार आएको भन्दै आनले आपत्ति समेत जनाएको छ । सरकारको निर्णय सहित संसदवाट पारित भई राष्ट्रपतिवाट प्रमाणिकरण भएर राजपत्रमा समेत प्रकाशित भैसकेको विज्ञापन विधेयकका विषयमा फरक फरक खाले धारणा प्रकाशित हुनु आफैमा विरोधाभाषपुर्ण भएको अध्यक्ष रिजालद्वारा जारी विज्ञप्तीमा उल्लेख छ । नेपालमा प्रसारित विदेशी च्यानल विज्ञापनरहित ‘क्लिनफिड’ अनिवार्य गर्नुपर्ने व्यवस्था नयाँ विधेयकमा गरिएको छ ।